நோக்கங்கள்:

நோக்கம் 1: புரியில் உள்ள இஸ்கான் கோவில் பக்தி யோகத்தின் மையமாக உள்ள ஆன்மீக முக்கியத்துவத்தை விளக்குதல்.

நோக்கம் 2: ஸ்ரீ ஸ்ரீ ராதா கிரிதாரி கோவிலில் வழிபடப்படும் தெய்வங்களை விளக்குதல்.

நோக்கம் 3: ஸ்ரீ சைதன்ய மகாபிரபுவுக்கும் புரிக்கும் உள்ள ஆன்மீக தொடர்பை விளக்குதல்.

நோக்கம் 4: இந்த கோவிலை ஆன்மீக, கலாச்சார மற்றும் சமூக உயர்விற்கான மையமாக உணர்ந்து மதிப்பிடுதல்.

நோக்கம் 5: புரி இஸ்கான் கோவிலில் கொண்டாடப்படும் முக்கிய திருவிழாக்களை பட்டியலிடுதல்.

நோக்கம் 6: புரியில் உள்ள இஸ்கான் கோவிலின் கட்டிட அமைப்பின் சிறப்புகளை விளக்குதல்.

நோக்கம் 7: வாரத்தின் அனைத்து நாட்களிலும் பக்தர்கள் கோவிலை எளிதாக தரிசிக்கக்கூடிய வசதியை விளக்குதல்.

நோக்கம் 8: புரியில் உள்ள இஸ்கான் கோவிலின் இருப்பிடத்தையும், அங்கு செல்ல எளிய வழியையும் திட்டமிடுதல்.

அறிமுகம்

நோக்கம்1: புரியில் உள்ள இஸ்கான் கோவில் பக்தி யோகத்தின் மையமாக உள்ள ஆன்மீக முக்கியத்துவத்தை விளக்குதல்.

புரியில் அமைந்துள்ள இஸ்கான் கோவில் (ஸ்ரீ ஸ்ரீ ராதா கிரிதாரி கோவில்) பக்தி யோகத்தை (பக்தி சேவை) பரப்பும் ஒரு முக்கியமான ஆன்மீக, கலாச்சார மற்றும் கல்வி மையமாக விளங்குகிறது. இது புனிதமான ஜகன்னாத் கோவிலுக்கு அருகில் அமைந்துள்ளது.

விக்ரஹங்கள்

நோக்கம்2:ஶ்ரீ ஸ்ரீ ராதா கிரிதாரி கோவிலில் வழிபடப்படும் தெய்வங்களை விளக்குதல்.

புரியில் உள்ள இஸ்கான் கோவில், “ஸ்ரீ ஸ்ரீ ராதா கிரிதாரி கோவில்” என்றும் அழைக்கப்படுகிறது. இந்த கோவில் ஸ்ரீ கிருஷ்ணருக்கு அர்ப்பணிக்கப்பட்டுள்ளது.கருவறையில் ஸ்ரீ கிருஷ்ணர், ஸ்ரீ பலராமர் மற்றும் தேவி சுபத்ரா ஆகியோரின் விக்ரஹங்கள் உள்ளன.

பிரார்த்தனை மண்டபத்தில், ஸ்ரீல ஏ.சி. பக்திவேதாந்த ஸ்வாமி பிரபுபாதர் மற்றும் ஸச்சிதானந்த பக்திவினோத தாகூர் ஆகியோரின் அமர்ந்த நிலை விக்ரஹங்கள் அருகருகே அமைக்கப்பட்டுள்ளன.

இந்த கோவில், காலை நேரத்தில் நடைபெறும் மங்கள ஆரத்தி மற்றும் மாலை நேரத்தில் நடைபெறும் சந்த்யா ஆரத்தி ஆகிய புனித ஆரத்திகளுக்காக மிகவும் பிரசித்தி பெற்றது.

புரி மற்றும் இஸ்கான் அமைப்பின் தொடர்பு

நோக்கம்3:ஸ்ரீ சைதன்ய மகாபிரபுவுக்கும் புரிக்கும் உள்ள ஆன்மீக தொடர்பை விளக்குதல்.

ஸ்ரீ சைதன்ய மகாபிரபு, சந்நியாசம் ஏற்ற பிறகு, தாயார் சச்சி மாதாவின் வேண்டுகோளின்படி பூரியை தமது தங்கும் இடமாக ஏற்றுக் கொண்டார். அவருடைய பரம பக்தரான ஹரிதாஸ் தாகூர் அங்கேயே வாழ்ந்து, மகாபிரபுவால் சமாதி பெற்றார். அதனால் இந்த புனித ஸ்தலம் அவரது பக்தர்களுக்கு மிகுந்த முக்கியத்துவம் வாய்ந்தது.

பக்திவினோத தாகூர் பூரியில் சேவை செய்தார். அவருடைய மகனான பக்திசித்தாந்த சரஸ்வதி தாகூர் அங்கேயே பிறந்தார். அவரின் சீடராக ஸ்ரீல ஏ.சி. பக்திவேதாந்த ஸ்வாமி பிரபுபாதர் இருந்தார்.

1972 ஆம் ஆண்டு, ஸ்ரீல பிரபுபாதர் புரியில் ஒரு பெரிய இஸ்கான் மையத்தை அமைக்க வேண்டும் என்று தமது ஆசையை வெளிப்படுத்தினார். பல ஆண்டுகள் திட்டமிடப்பட்ட பிறகு, 2015 ஜூலை 17 அன்று வேத ஹோமங்கள் மற்றும் ஆனந்த சேஷன் பிரதிஷ்டை போன்ற மங்களகரமான ஆன்மீக நிகழ்ச்சிகளுடன் இஸ்கான் புரி திட்டம் அதிகாரப்பூர்வமாக தொடங்கப்பட்டது.

இந்த புனித இஸ்கான் கோவில் புரி நகரத்தின் தென்மேற்கு பகுதியில் உள்ள சிபாசிருபுலி என்னும் இடத்தில், 18 ஏக்கர் பரப்பளவில் அமைந்துள்ளது.

இஸ்கான் புரி கோவிலின் முக்கிய அம்சங்கள்

நோக்கம் 4:இந்த கோவிலை ஆன்மீக, கலாச்சார மற்றும் சமூக உயர்விற்கான மையமாக உணர்ந்து மதிப்பிடுதல்.

● பக்தி வழிபாடு: இந்த மையத்தில் ஸ்ரீ ஸ்ரீ ராதா கிருஷ்ணரை மையமாக வைத்து பக்தி வழிபாடு நடைபெறுகிறது. அதே சமயம் ஸ்ரீ ஜகந்நாதரின் பாரம்பரியங்களும் மதிக்கப்படுகின்றன.

● உணவு வழங்கும் சேவை: இந்த மையம் வரும் அனைவருக்கும் இலவசமாக புனிதமான பிரசாத உணவை வழங்குகிறது. மேலும் தேவையுள்ள மக்களுக்கு, குடிசைப்பகுதிகள், பள்ளிகள் மற்றும் மருத்துவமனைகளில் சத்தான உணவை வழங்கும் சேவையும் நடைபெறுகிறது. ஸ்ரீல பிரபுபாதரின் உபதேசப்படி, கோவிலைச் சுற்றி பத்து மைல் வரையிலான பகுதிகளிலும் உணவு வழங்கப்படுகிறது.

● கலாச்சார மற்றும் கல்வி மையம்: இங்கு பெரிய திட்டமாக ஸ்ரீ ஜகந்நாதர் லீலை அருங்காட்சியகம், நூலகம், அரங்கம், வேதப் பாடசாலை மற்றும் ஆயுர்வேத மருத்துவ நிலையம் அமைக்க திட்டமிடப்பட்டுள்ளது.

● ஆன்மீக கல்வி: இந்த மையம் ஸ்ரீல பிரபுபாதர் மற்றும் ஸ்ரீ சைதன்ய மகாபிரபுவின் உபதேசங்களைப் பரப்புகிறது. ஹரே கிருஷ்ண மகாமந்திர ஜபத்தை முக்கியமாக வலியுறுத்துகிறது.

● பார்வையாளர்களுக்கான வசதிகள்: புனித நகரத்திற்கு வரும் பக்தர்களுக்கும் சுற்றுலா பயணிகளுக்கும் தங்குவதற்கான வசதியுடன் விருந்தினர் இல்லம் ஏற்படுத்தப்பட்டுள்ளது.

இஸ்கான் புரி கோவிலில் கொண்டாடப்படும் திருவிழாக்கள்

நோக்கம்5:புரி இஸ்கான் கோவிலில் கொண்டாடப்படும் முக்கிய திருவிழாக்களை பட்டியலிடுதல்.

இந்த கோவிலில் குரு பூர்ணிமா, ஜகந்நாத ரதயாத்திரை, நித்யானந்த திரயோதசி, கவுர பூர்ணிமா, தீபாவளி, சைதன்ய மகாபிரபு ஜயந்தி, ராதாஷ்டமி, ராம நவமி, கோவர்தன பூஜை போன்ற பல திருவிழாக்கள் கொண்டாடப்படுகின்றன

இந்த திருவிழாக்களில் கலந்து கொள்ள பக்தர்கள் பெருமளவில் வருகை தருகின்றனர்.

இஸ்கான் கோவில். புரி – கட்டிட அமைப்பு

நோக்கம்6:புரியில் உள்ள இஸ்கான் கோவிலின் கட்டிட அமைப்பின் சிறப்புகளை விளக்குதல்.

புரியில் உள்ள இஸ்கான் கோவில் மூன்று மாடிகளைக் கொண்ட, இளஞ்சிவப்பு நிறத்தில் அமைந்த அழகான கட்டிடமாகும். கோவிலின் நுழைவாயில் அழகாக செதுக்கப்பட்டதாகவும், இரு நுணுக்கமாக வடிவமைக்கப்பட்ட தூண்களைக் கொண்டதாகவும் உள்ளது.

கோவிலின் உள்ளே, பிரார்த்தனை மண்டபம் அமைந்துள்ளது; அதில் தெய்வ விக்ரஹங்கள் வைக்கப்பட்டுள்ளன.

அந்த மண்டபத்தின் இறுதியில் கருவறை அமைந்துள்ளது. கருவறை நன்றாக ஒளியூட்டப்பட்டு அழகாக அலங்கரிக்கப்பட்டுள்ளது. அதன் நுழைவாயிலின் மேல் மற்றும் பக்கங்களில் பொன்னிற அலங்காரங்கள் செய்யப்பட்டுள்ளன.

இஸ்கான் கோவில் புரி – நேரம் மற்றும் நுழைவு கட்டணம்

நோக்கம்7:வாரத்தின் அனைத்து நாட்களிலும் பக்தர்கள் கோவிலை எளிதாக தரிசிக்கக்கூடிய வசதியை விளக்குதல்.

புரியில் உள்ள இஸ்கான் கோவிலுக்கு தரிசனம் செய்ய எந்தவித நுழைவு கட்டணமும் இல்லை. இந்த கோவில் வாரத்தின் அனைத்து நாட்களிலும் திறந்திருக்கும்.

காலை 4.30 மணி முதல் மதியம் 1 மணி வரை மற்றும் மாலை 4.15 மணி முதல் இரவு 9 மணி வரை பக்தர்கள் தரிசனம் செய்யலாம்.

இருப்பிடம் மற்றும் செல்லும் வழி

நோக்கம்8:புரியில் உள்ள இஸ்கான் கோவிலின் இருப்பிடத்தையும், அங்கு செல்ல எளிய வழியையும் திட்டமிடுதல்.

புரியில் உள்ள இஸ்கான் கோவில் பேருந்து நிலையத்திலிருந்து சுமார் 3.8 கி.மீ தூரத்திலும், ரயில் நிலையத்திலிருந்து சுமார் 3.6 கி.மீ தூரத்திலும் அமைந்துள்ளது.

புரியில் விமான நிலையம் இல்லை. அருகிலுள்ள விமான நிலையம்— புவனேஸ்வரில் உள்ள பிஜு பத்நாயக் சர்வதேச விமான நிலையமாகும்; அது சுமார் 60 கி.மீ தூரத்தில் உள்ளது. அங்கிருந்து டாக்சி எடுத்து சுமார் ஒரு மணி நேரத்தில் புரியை அடையலாம்.

மற்றொரு வழியாக, புவனேஸ்வரிலிருந்து ரயில் அல்லது பேருந்து மூலம் புரிக்கு பயணம் செய்யலாம்.