நோக்கங்கள்:

நோக்கம் 1: ஸ்ரீல பக்திசித்தாந்த சரஸ்வதி தாக்கூரரின் திவ்ய அவதாரத்தைப் பற்றி அறிந்து கொள்வது.

நோக்கம் 2: ஸ்ரீல பக்திவினோத தாக்கூரரின் பங்களிப்பையும், ஸ்ரீ ஜகந்நாத பெருமானிடம் அவர் செய்த பிரார்த்தனையையும் புரிந்து கொள்வது.

நோக்கம் 3: ஸ்ரீல பக்திசித்தாந்த சரஸ்வதி தாக்கூரரின் பால்ய கால லீலைகளையும், அவர் பெற்ற விசேஷ அருளாசிகளையும் அறிந்து கொள்வது.

நோக்கம் 4: ஸ்ரீல பக்திசித்தாந்த சரஸ்வதி தாக்கூரரின் அவதாரத் திருத்தலத்தின் ஆன்மீக மகத்துவத்தையும், இன்றைய காலத்தில் அதன் முக்கியத்துவத்தையும் புரிந்து கொள்வது.

நோக்கம் 5: கௌடிய வைஷ்ணவ சம்பிரதாயத்திற்கு ஸ்ரீல பக்திசித்தாந்த சரஸ்வதி தாக்கூரர் ஆற்றிய மகத்தான பங்களிப்புகளை அறிந்து கொள்வது.

நோக்கம் 6: ஸ்ரீல பக்திசித்தாந்த சரஸ்வதி தாக்கூரரின் அவதாரத் திருத்தலத்தில் எழுந்தருளியுள்ள பிரதான அர்ச்சா மூர்த்திகளையும், தற்போது நடைபெறும் வழிபாட்டு முறைகளையும் அறிந்து கொள்வது.

நோக்கம் 1. ஸ்ரீல பக்திசித்தாந்த சரஸ்வதி தாக்கூரரின் திவ்ய அவதாரத்தைப் பற்றி அறிந்து கொள்வது.

1874 ஆம் ஆண்டு பிப்ரவரி 6, வெள்ளிக்கிழமை (வங்காள நாட்காட்டியின்படி 1280 ஆம் ஆண்டு மாக மாதம் 25; சகாப்தம் 1795), பிற்பகல் 3:30 மணிக்கு, ஜகந்நாத புரியில் ஸ்ரீல பக்திவினோத தாக்கூரரின் இல்லத்தில், பகவதி தேவியின் திருவயிற்றிலிருந்து, பொன்னிற ஒளிமிக்க திவ்யக் குழந்தையாக ஓம் விஷ்ணுபாத ஸ்ரீல பக்திசித்தாந்த சரஸ்வதி கோஸ்வாமி தாக்கூரர் அவதரித்தார். அன்று மாக மாதத்தின் கிருஷ்ணபஞ்சமி திதியாகும்.

பிறந்த தருணத்திலிருந்தே, ஸ்ரீல பக்திசித்தாந்த சரஸ்வதி தாக்கூரர் தனது மகத்துவத்தை வெளிப்படுத்தும் அசாதாரண அறிகுறிகளை வெளிப்படுத்தினார். மகாபுருஷர்களுக்குரிய முப்பத்திரண்டு மங்கள லட்சணங்களுடன் அவர் தோன்றினார். மேலும், அவரது தொப்புள் கொடி பூணூலைப் போல கழுத்தைச் சுற்றியிருந்தது. பின்னாளில் பக்தர்கள் இதை, அவர் மேற்கொள்ளவிருந்த மகத்தான ஆன்மீகப் பிரசாரப் பணியின் முன்னறிவிப்பாகப் புரிந்து கொண்டனர்.

அவரது ஜாதகத்தைப் பரிசோதித்த புகழ்பெற்ற ஜோதிடர், அவருக்கு அபூர்வமான எதிர்காலம் காத்திருப்பதாக முன்னறிவித்தார். ஜாதகத்தில் காணப்பட்ட மங்களகரமான அறிகுறிகளைக் கண்டு வியந்த அவர், இக்குழந்தை உலகப் புகழ்பெற்று, மனித வாழ்வின் உயர்ந்த இலக்கை போதிக்கும் மாமேதை ஆச்சாரியராக விளங்குவார் என்று கூறினார்.

இந்த அசாதாரண அறிகுறிகள் அனைத்தும், ஸ்ரீசைதன்ய மகாபிரபுவின் பிரசாரப் பணிக்காகஸ்ரீல பக்திசித்தாந்த சரஸ்வதி தாக்கூரர் ஒரு விசேஷ சேவையை நிறைவேற்றுவதற்காக அவதரித்தார் என்பதை பக்தர்கள் உணரச் செய்தன.

நோக்கம் 2: ஸ்ரீல பக்திவினோத தாக்கூரரின் பங்கையும் , ஸ்ரீ ஜகந்நாதரிடம் அவர் செய்த பிரார்த்தனையையும் புரிந்து கொள்வது.

விமல பிரசாத் பகவதி தேவியின் மடியில்

ஸ்ரீல பக்திசித்தாந்த சரஸ்வதி தாக்கூரர் அவதரித்த காலத்தில், அவரது தந்தையானஸ்ரீல பக்திவினோத தாக்கூரர், பிரிட்டிஷ் அரசாங்கத்தால்ஸ்ரீ ஜகந்நாதர் கோயிலின் நிர்வாகியாக நியமிக்கப்பட்டிருந்தார்.

கிருஷ்ணபக்தியை உலகம் முழுவதும் பிரசாரம் செய்யக்கூடிய ஒரு மகனை அருளுமாறு, அவர்ஸ்ரீஜகந்நாதரிடம் மனமுருகிப் பிரார்த்தனை செய்தார்.

அவரது மனைவி ஒரு ஆண்குழந்தையைப் பெற்றெடுத்தபோது, ஸ்ரீல பக்திவினோத தாக்கூரர், அந்தக் குழந்தைக்கு “விமலா பிரசாத்” என்று பெயரிட்டார்.

“விமலா பிரசாத்” என்ற பெயரின் பொருள், ஸ்ரீஜகந்நாதரின் பராசக்தியான ஸ்ரீவிமலா தேவியின் அருள் என்பதாகும்.

நோக்கம் 3: ஸ்ரீல பக்திசித்தாந்த சரஸ்வதி தாக்கூரரின் பால்ய கால லீலைகளையும் , அவர் பெற்ற சிறப்பான அருளாசிகளையும் அறிந்து கொள்வது.

விமலா பிரசாத் ஆறு மாதக் குழந்தையாக இருந்தபோது, ஆண்டு தோறும் நடைபெறும் ஸ்ரீஜகந்நாதரின் ரதயாத்திரையின் போது, பகவானின் தேர்ஸ்ரீல பக்திவினோத தாக்கூரரின் இல்லத்தின் முன் வந்து நின்றது.

பலமுறை முயற்சி செய்தும், மூன்று நாட்கள் தொடர்ந்து அந்தத் தேரை நகர்த்த முடியவில்லை.

இறுதியில், குழந்தை விமலா பிரசாதை ஸ்ரீ ஜகந்நாதரின் முன் கொண்டு வந்தபோதுதான் தேர் மீண்டும் நகரத் தொடங்கியது.

அவர் பகவானின் திரு சந்நிதியில் வந்தவுடன், ஸ்ரீஜகந்நாதரின் மலர்மாலை தாமாகவே கீழே விழுந்து, அந்தக் குழந்தையின் கழுத்தில் அணிவிக்கப்பட்டது.

இதனை, ஸ்ரீஜகந்நாதர் அவர்மீது பொழிந்த விசேஷ கருணையின் அடையாளமாக பக்தர்கள் புரிந்து கொண்டனர்.

அவருடைய அன்னப்பிராசன (முதல் அன்னம் உண்ணும்) சடங்கும், ஸ்ரீ ஜகந்நாதரின் தேரிலேயே, ஸ்ரீஜகந்நாத மகாபிரசாதத்தை கொண்டு நடத்தப்பட்டது.

சிறு வயதிலிருந்தே, விமலா பிரசாத் அசாதாரணமான ஆன்மீக குணங்களை வெளிப்படுத்தினார். அவரது இயல்பான விருப்பத்தை அறியச் சோதித்தபோது, அவர் உடனே ஸ்ரீமத் பாகவதத்தை எடுத்துக் கொண்டார். இதன் மூலம், எதிர்காலத்தில் அவர் கிருஷ்ணபக்தியை உலகம் முழுவதும் பரப்பும் மாபெரும் பிரசாரகராக விளங்குவார் என்பதற்கான அறிகுறி வெளிப்பட்டது.

நோக்கம் 4: ஸ்ரீல பக்திசித்தாந்த சரஸ்வதி தாக்கூரரின் அவதாரத் திருத்தலத்தின் ஆன்மீக முக்கியத்துவத்தையும் , இன்றைய காலத்தில் அதன் சிறப்பையும் புரிந்து கொள்வது .

ஸ்ரீல பக்திசித்தாந்த சரஸ்வதி தாக்கூரரின் அவதாரத் திருத்தலம், புரியில் உள்ளஸ்ரீஜகந்நாதர் கோயிலின் கிராண்ட் ரோட்டில், நாராயணசட்டா மடத்திற்கு அருகில் அமைந்துள்ளது.

இந்தப் புனிதத் தலம், கௌடிய வைஷ்ணவ சம்பிரதாயத்தின் தலைசிறந்த ஆச்சாரியர்களில் ஒருவரானஸ்ரீல பக்திசித்தாந்த சரஸ்வதி தாக்கூரர் அவதரித்த இடமாகும்.

தற்போது, இந்த அவதாரத் திருத்தலம் சைதன்ய மடம் மற்றும் கௌடிய மடம் ஆகியவற்றின் பராமரிப்பில் இருந்து வருகிறது. இவை, ஸ்ரீல பக்திசித்தாந்த சரஸ்வதி தாக்கூரரின் புனித நினைவுகளைப் பாதுகாத்து, இந்த தாமத்தின் ஆன்மீக மகத்துவத்தை நிலைநிறுத்தி வருகின்றன.

நோக்கம் 5: கௌடிய வைஷ்ணவ சம்பிரதாயத்திற்கு ஸ்ரீல பக்திசித்தாந்த சரஸ்வதி தாக்கூரர் ஆற்றிய மகத்தான பங்களிப்புகளைப் புரிந்து கொள்வது.

ஸ்ரீல பக்திசித்தாந்த சரஸ்வதி தாக்கூரர்

ஸ்ரீல பக்திசித்தாந்த சரஸ்வதி தாக்கூரர், தூய பக்தித் தொண்டை மீண்டும் புத்துயிர் பெறச் செய்ததோடு, ஸ்ரீசைதன்ய மகாபிரபுவின் போதனைகளை உறுதியாக நிலைநிறுத்தி பாதுகாத்தார். அவர், ஜாதி அடிப்படையிலான உயர்வு–தாழ்வு எண்ணம், சஹஜியா கொள்கைகள், மாயாவாத தத்துவம், மற்றும் நாத்திக போதனைகள் ஆகியவற்றை வலிமையாக எதிர்த்தார்.

அங்கீகரிக்கப்பட்ட நான்கு வைஷ்ணவ சம்பிரதாயங்களின் பொதுவான சித்தாந்தங்களை வலியுறுத்தி, வைஷ்ணவ சமுதாயத்தில் ஒற்றுமையை ஏற்படுத்த அவர் பாடுபட்டார். இந்தியா முழுவதும் வல்லமைமிக்க பிரசாரகராகவும், சிறந்த விவாதகராகவும் புகழ்பெற்று, “சிம்ஹகுரு” (சிங்கக் குரு) என்ற பட்டத்தைப் பெற்றார்.

அவர் இந்தியாவிலும் வெளிநாடுகளிலும் சேர்த்து அறுபத்து நான்கு ஆலயங்களை நிறுவினார். மேலும், விரிவான புத்தக வெளியீட்டுப் பிரசாரத்தையும் தொடங்கினார். புத்தகங்கள், இதழ்கள், செய்தித்தாள்கள், பரிக்ரமங்கள் மற்றும் பிரசார மையங்கள் மூலம், கிருஷ்ணபக்தியை இந்தியா முழுவதும் மட்டுமல்லாமல் உலகின் பல பகுதிகளுக்கும் பரப்பினார்.

யுக்த வைராக்யம் என்ற கொள்கையை நடைமுறையில் செயல்படுத்திய அவர், அச்சகங்கள், மோட்டார் வாகனங்கள் மற்றும் வானொலி ஒலிபரப்புகள் போன்ற நவீன வசதிகளையும் ஸ்ரீகிருஷ்ணரின் சேவைக்கும், பிரசாரப் பணிக்கும் பயன்படுத்தினார்.

மேலும், இன்றளவும் உலகெங்கிலும் உள்ள பக்தர்களுக்கு ஊக்கமளித்து வரும் வ்ரஜ மண்டல பரிக்ரமா மற்றும் நவத்வீப மண்டல பரிக்ரமா மரபுகளை நிறுவிய பெருமையும் அவருக்கே உரியது.

நோக்கம் 6: ஸ்ரீல பக்திசித்தாந்த சரஸ்வதி தாக்கூரர் அவதாரத் திருத்தலத்தில் எழுந்தருளியுள்ள மூலவர்களையும் , தற்போது நடைபெறும் ஆராதனை முறைகளையும் அறிந்து கொள்வது.

ஸ்ரீல பக்தி சித்தாந்த சரஸ்வதி தாகூரர் பிறப்பிடத்தில்
அருள்பாலிக்கும் ஸ்ரீ ஸ்ரீ ராதா கிருஷ்ணர் விக்ரகங்கள்

ஸ்ரீல பக்தி சித்தாந்த சரஸ்வதி தாக்கூரரின் பிறப்பிடத்தில்
அருள்பாலிக்கும்ஸ்ரீ ஜகந்நாதர், ஸ்ரீ பல தேவர்
மற்றும்ஸ்ரீ சுபத்ரா தேவி

ஸ்ரீல பக்தி சித்தாந்த சரஸ்வதி தாக்கூரரின் பிறப்பிடத்தில்
அருள்பாலிக்கும் அவரது திரு விக்ரஹம்

இந்தத் திருக்கோயிலில், ஸ்ரீல பக்திசித்தாந்த சரஸ்வதி தாக்கூரரின் அர்ச்சா விக்ரகத்துடன், ஸ்ரீஸ்ரீராதா-கிருஷ்ணர் (ராதா நயன மணி ஜியு), ஸ்ரீ சைதன்ய மகாபிரபு, மற்றும்ஸ்ரீஸ்ரீஜகந்நாதர், பலதேவர், சுபத்ரா தேவி ஆகிய திவ்ய மூர்த்திகள் ஆராதிக்கப்படுகின்றனர்.

மேலும், இத்திருத்தலத்திற்கு வருகை தரும் பக்தர்கள், ஸ்ரீசைதன்ய மகாபிரபுவின் பல்வேறு திவ்ய லீலைகளை சித்தரிக்கும் அழகிய காட்சியமைப்புகளையும் (Dioramas) தரிசிக்கலாம்.

தரிசன நேரம்:
வெளியிடுவதற்கு முன், தரிசன நேரங்களை, சம்பந்தப்பட்ட கோயில் நிர்வாகத்திடம் நேரடியாக உறுதிப்படுத்திக் கொள்ள வேண்டும்.

பயணவழிகாட்டி:

சாலை வழியாக (By Road):
ஸ்ரீல பக்திசித்தாந்த சரஸ்வதி தாக்கூரரின் அவதாரத் திருத்தலம், புரி கிராண்ட் ரோட்டில், ஸ்ரீ ஜகந்நாதர் கோயிலை நோக்கி சில நூறு மீட்டர் நடந்தால் அமைந்துள்ளது. ஸ்ரீல பக்திவினோத தாக்கூரரின் இல்லமான இந்தப் புனிதத் தலத்தில் தான்ஸ்ரீல பக்திசித்தாந்த சரஸ்வதி தாக்கூரர் அவதரித்தார்.

தற்போது இத்தலத்தில் சைதன்ய மடம் அமைக்கப்பட்டு, இந்தத் தாமத்தின் பராமரிப்பைப் பொறுப்பேற்று வருகிறது. கோயிலின் நுழைவாயிலுக்கு மேலே “Birth Place of Prabhupada 108 Srila Bhaktisiddhanta Sarasvati Thakura” என்ற பெயர்ப்பலகை காணப்படுகிறது.

இரயில் வழியாக (By Rail):
புரி இரயில் நிலையத்திலிருந்து சுமார் 3 கிலோமீட்டர் தொலைவில் இத்திருத்தலம் அமைந்துள்ளது.

விமானம் மூலம் (By Air):
புவனேஸ்வரில் உள்ள பிஜு பட்நாயக் பன்னாட்டு விமான நிலையத்திலிருந்து சுமார் 60 கிலோமீட்டர் தொலைவில் இத்திருத்தலம் உள்ளது.