தேவையான பொருட்கள்

• தக்காளி – 4 ( நறுக்கியது)
• வேர்க்கடலை – 1/3 கப்
• சிவப்பு மிளகாய் – 2
• பச்சை மிளகாய் – 3
• உப்பு – தேவையான அளவு
• மஞ்சள் தூள் – 1/4 தேக்கரண்டி
• புளி – 1 சிறிய நெல்லிக்காய் அளவு
• எண்ணெய் – 1 டேபிள் ஸ்பூன்

தாளிக்க:-

• எண்ணெய் – 2 தேக்கரண்டி
• கடுகு – 1 தேக்கரண்டி
• உளுத்தம்பருப்பு – 2 தேக்கரண்டி
• சிவப்பு மிளகாய் – 2
• சில கறிவேப்பிலைகள்

செய்முறை:

வேர்க்கடலையை இரண்டு நிமிடங்கள் வருத்து வைத்து கொள்ளுங்கள். கடாயில் எண்ணெய் ஊற்றி சூடாக்கவும். அதனுடன் சிவப்பு மிளகாய், பச்சை மிளகாய், புளி சேர்த்து எண்ணெயில் இரண்டு நிமிடங்கள் வதக்கவும். கடாயில் தக்காளி சேர்க்கவும். பின்னர் மஞ்சள் மற்றும் உப்பு சேர்த்து தக்காளியை மிருதுவாக வரும் வரை வதக்கவும். தக்காளி மிருதுவாக வந்தவுடன் அதை முழுமையாக ஆற விடவும். தக்காளி +மிளகாய் +புளி கலவையை வறுத்த வேர்க்கடலையை மிக்ஸி ஜாரில் சேர்க்கவும். தண்ணீர் சேர்க்காமல் மென்மையான பேஸ்ட்டாக அரைத்துக் தனியாக வைத்து கொள்ளவும். ஒரு கடாயில், எண்ணெயை சூடாக்கவும். கடுகு சேர்த்து, பின்னர் உளுத்தம்பருப்பு மற்றும் உடைந்த சிவப்பு மிளகாய் சேர்த்து, பருப்பு பொன்னிறமாகும் வரை வறுக்கவும். இறுதியாக கறிவேப்பிலை சேர்த்து தீயை அணைக்கவும். சட்னியில் தாளிப்பை சேர்த்து நன்கு கலக்கவும். சுவையான தக்காளி வேர்க்கடலை சட்னி ரெடி! இட்லி / தோசையுடன் பரிமாறவும்.