9. மோதி டுங்க்ரி விநாயகர் கோவில்
நோக்கங்கள்:
நோக்கம் 1: ஜெய்ப்பூரின் கலாச்சார கட்டமைப்பிற்குள் மோதி டுங்க்ரி கணேஷ் ஜி கோயிலின் வரலாற்று மற்றும் ஆன்மீக முக்கியத்துவத்தை அறிந்து கொள்வது.
ஜெய்ப்பூரின் மையப்பகுதியில் ஒரு புனிதமான புகலிடம்:
மோதி டுங்க்ரி என்பது செழிப்பான நகரமான ஜெய்ப்பூரைச் சுற்றியுள்ள ஒரு சிறிய மலை. பண்டைய கதைகளும், நவீன அற்புதங்களும் பின்னிப் பிணைந்த இடத்தில், மோதி டுங்க்ரி கணேஷ் கோயில் அமைந்துள்ளது. ஜெய்ப்பூர் ஜங்க்ஷன் ரெயில்வே நிலையத்திலிருந்து சுமார் 6 கிலோமீட்டர் தூரத்தில் அமைந்துள்ள இந்த கோவில், அழகிய மோதி டுங்க்ரி மாளிகையின் அடிவாரத்தில் உள்ளது. இந்த மாளிகையின் பெயரிலிருந்தே கோவிலுக்கும் பெயர் வந்துள்ளது — முத்து (மோதி) மலை (துங்க்ரி) என்று பொருள்படும்.
1761 ஆம் ஆண்டு, முன்னோக்குப் பார்வையுடைய செத் ஜெய் ராம் பாலிவால் அவர்களால் கட்டப்பட்ட மோதி டுங்க்ரிவிநாயகர் கோவில், அதன் கட்டிட நெறியையே ஒத்த ஒரு மாயமிகுந்த புராணக் கதையைக் கொண்டுள்ளது.
புராணக் கதையின் படி, மேவார் அரசர் நீண்ட பயணத்திலிருந்து திரும்பிக் கொண்டிருந்தபோது, விநாயகர் மூர்த்தியை ஒரு மாட்டுவண்டியில் ஏற்றி வந்துகொண்டிருந்தார். அந்த மாட்டுவண்டி முதன்முதலில் எங்கு நிற்கிறதோ, அந்த இடத்திலேயே கோவிலைக் கட்ட வேண்டும் என அரசர் உறுதியுடன் முடிவு செய்ததாக நம்பப்படுகிறது.
அவ்வாறே, மாட்டுவண்டி மோதி டுங்க்ரிமலை அடிவாரத்தில் நின்ற அந்த இடமே இன்றைய விநாயகர் கோவிலாக உருவானது. அவ்வாறாக, மோதி டுங்க்ரிமலையின் அடிவாரத்தில், இன்றைய கோவில் தனது நிரந்தரத் தங்குமிடத்தைக் கண்டடைந்தது.
அது மன்னரின் பாதையை வழிநடத்திய தெய்வீக விருப்பத்தின் உயிருள்ள உருவமாகும்.
அதன் மையத்தில் விநாயகர் விக்ரஹம் உள்ளது. விநாயகர் அமர்ந்திருக்கும் தோரணை, இடது பக்கம் அழகாகத் திரும்பியுள்ள அதன் தும்பிக்கை நல்லதை குறிக்கும் நியதியைச் சுட்டிக் காட்டுகிறது. காலத்தால் மாறாத மங்களத்தின் அடையாளமாக. மூர்த்தியின் முழு உருவமும் சிந்தூரத்தால் (சிவப்புப்பொடியால்) அழகுற பூசப்பட்டிருப்பதால், நுட்பமான பளபளப்பு மற்றும் பிரகாசத்தை வெளிப்படுத்துகிறது.
பெருமைப்படவேண்டிய விநாயகர் மூர்த்தியின் அருகில்,
அவரது தெய்வீக வாகனமாக கருதப்படும் மூஷிகனின் பிரமாண்டமான சிலை அமைந்துள்ளது..
இந்தக் கோவிலின் ஒவ்வொரு மேற்பரப்பையும், நுட்பமான சிற்ப வேலைப்பாடுகள் மற்றும் பின்னல் வேலைப்பாடுகள் அலங்கரிக்கின்றன. நேர்த்தியான கலைபெட்டகமாகத் திகழ்கிறது. ஒவ்வொன்றும் தலைமுறை தலைமுறையான ஒரு புராணக் கதையை உள்ளடக்கியுள்ளன.
நோக்கம் 2: இந்தக் கோவிலில் பக்தர்கள் பின்பற்றும் பாரம்பரிய வழிபாட்டு முறைகள் மற்றும் கலாசாரச் சடங்குகள் குறித்து அறிதல்.
விழாக்களும், திருவிழாக்களும் நிறைந்த புனிதத் தலம்
● மோதி டுங்க்ரி கணேஷ் கோயில் ஜெய்ப்பூரின் பண்டிகை ஆற்றல் மற்றும் கலாச்சார துடிப்பு மையமாகும்.
● கணேஷ் சதுர்த்தி (கணேசப் பெருமானின் பிறந்தநாள்)
● கிருஷ்ண ஜன்மாஷ்டமி (கிருஷ்ணரின் பிறந்தநாள்)
● அன்னகூட் (கிருஷ்ணரை கௌரவிக்கும் பண்டிகை)
● பௌஷ் படா (ஆண்டின் பத்தாவது மாதத்தில் கொண்டாடப்படும் உள்ளூர் திருவிழா)
போன்ற குறிப்பிடத்தக்க பண்டிகைகளின் போது, கோயில் மகிழ்ச்சியான கொண்டாட்டங்களுடன் உயிர்ப்புடன் திகழ்கிறது.
● விழாக்களும், திருவிழாக்களும் நிறைந்த புனிதத் தலம்
● மோதி டுங்க்ரிவிநாயகர் கோவில் என்பது ஜெய்ப்பூரின் விழாக்களின் உற்சாகம் மற்றும் கலாசார கொண்டாட்டத்தின் மையமாகத் திகழ்கிறது.
மோதி டுங்க்ரிகோட்டை வளாகத்தில் ஒரு சிவலிங்கம் அமைந்துள்ளது,
அது ஒவ்வொரு ஆண்டும் ஒருமுறை மட்டுமே,
மகா சிவராத்திரி அன்று, அதாவது சிவபெருமானின் பெருவிழா நாளில் பொதுமக்கள் பார்வைக்கு திறக்கப்படுகிறது.
விநாயகர் கோவிலின் தெற்குப் பகுதியில்,
லக்ஷ்மி நாராயணருக்கு பிர்லா மந்திர் எனும் பிரமாண்டமான ஆலயம் அமைந்துள்ளது.
