(1)
வ்ரஜே ப்ரஸித்⁴த³ம் நவநீத சௌரம்
கோ³பாங்க³நாநாம் ச து³கூல சௌரம்
அநேக ஜன்மார்ஜித பாப சௌரம்
சௌரா³க்ர க³ண்யம் புருஷம் நமாமி

பிரஜாவின் வெண்ணை திருடன்: கோபியர்களின் ஆடை திருடன்: தன்னை அடைக்கலம் புகுந்தவர்களின் பாவங்களை திருடும் திருடன் என, திருடர்களின் முதன்மையாக விளங்கும் பகவானுக்கு, எனது பிரணாமத்தை என்றும் அர்ப்பணிக்கிறேன்.

(2)
ஸ்ரீ ராதி⁴காயா ஹ்ருத³யஸ்ய சௌரம்
நவாம்பு³த³ ஶ்யாமல காந்தி சௌரம்
பதாஸ்ரீதாநாம் ச ஸமஸ்த சௌரம்
சௌரா³க்ர க³ண்யம் புருஷம் நமாமி

ஸ்ரீமதி ராதிகாவின் இதயத்தைத் திருடுபவர்: ஒரு புதிய மழைமேகத்தின் இருண்ட பிரகாசத்தைத் திருடுபவர்: அவருடைய பாதக் கமலங்களில் அடைக்கலம் புகுந்தவர்களின் பாவங்களையும் துன்பங்களையும் திருடுபவர், என, திருடர்களின் முதன்மையாக விளங்கும் பகவானுக்கு, எனது பிரணாமத்தை என்றும் அர்ப்பணிக்கிறேன்.

(3)
அகிஞ்சனீ க்ருத்ய பதா³ஸ்ரீதம் ய: (ஹ)
கரோதி பி⁴க்ஷும் பதி² கே³ஹ ஹீனம்
கேனாப்யஹோ பீ⁴ஷண சௌர ஈத்³ருக்³
த்³ருஷ்ட்:(ஶ்) ஶ்ருதோ வா ந ஜகத் த்ரயே’பி

தன்னை சரணடைந்த பக்தர்களை, அவர், ஏழைகளாகவும், வீடற்று அலைந்து திரியும் பிச்சைக்காரர்களாகவும் மாற்றுகின்றார். ஆஹா! இப்படி ஒரு பயங்கரமான திருடனை மூன்று உலகங்களிலும் கேள்விப்பட்டதுவும் இல்லை பார்த்ததுவும் இல்லை.

(4)
யதீ³ய நாமாபி ஹரத்யஶேஷம்
கி³ரி பிரஸாரான் அபி பாப ராஷீன்
ஆஷ்சர்ய ரூபோ நனு சௌர ஈத்³ருக்³
த்³ருஷ்ட்:(ஶ்) ஶ்ருதோ வா ந மயா கதா³பி

அவருடைய பெயரை உச்சரிப்பதால் மட்டுமே மலை போன்ற பாவங்கள் நீங்கி சுத்திகரிக்கப்படுகின்றது – இப்படிப்பட்ட ஒரு அற்புதமான திருடனை நான் எங்கும் பார்த்ததோ கேள்விபட்டதோ இல்லை.

(5)
த⁴னம் ச மானம் ச ததே²ந்த்³ரியாணி
ப்ராணம்ஶ்ச ஹ்ருத்³வா மம ஸர்வ மேவ
பலாயஸே குத்ர த்⁴ருதோத்³ய சௌர
த்வம் ப⁴க்தி-தா³ம்நாஸீ மயா நிருத்⁴த³: (ஹ)

ஓ திருடனே! என் செல்வம், என் மானம், என் புலன்கள், என் உயிர் மற்றும் என் அனைத்தையும் திருடிவிட்டு, நீ எங்கே ஓட முடியும்? என் பக்தி என்ற கயிற்றால் உன்னைப் பிடித்து விட்டேன்.

(6)
சி²னத்ஸி கோ⁴ரம் யம-பாஶ-ப³ந்த⁴ம்
பி⁴னத்ஸி பீ⁴மம் ப⁴வ-பாஶ-ப³ந்த⁴ம்
சி²னத்ஸி ஸர்வஸ்ய ஸமஸ்த ப³ந்த⁴ம்
நைவாத்மனோ ப⁴க்த-க்ருதம் து ப³ந்த⁴ம்

யமராஜரின் கயிறு, ஜட வாழ்வின் பற்று என்னும் பௌதிக அடிமைத்தனத்தின் பயங்கரமான கயிறு, இவற்றையெல்லாம், எளிதில் தாங்கள் வெட்டி எரிந்து விடுகிறீர்கள். ஆனால் தங்கள் பக்தர்கள் அன்பால் கட்டும் கயிற்றை உங்களால் வெட்ட இயலவில்லை.

(7)
மன்மானஸே தாமஸ ராஶி கோ⁴ரே
காராக்³ருஹே து³(ஹ்க்)க²-மயே நிப³த்⁴: (ஹ)
லப⁴ஸ்வ ஹே சௌர! ஹரே சிராய
ஸ்வ சௌர்ய தோ³ஷோசித மேவ த⁴ண்ட⁴ம்

ஓ திருடனே! என் அனைத்தையும் திருடியவனே! இன்று நான் உங்களை, என் அறியாமையின் பயங்கரமான இருளால், மிகவும் பயமுறுத்தும், என் இதயத்தின், துன்பகரமான சிறைச்சாலையில், அடைத்துள்ளேன். மேலும் நீண்ட காலம் நீங்கள் அங்கேயே இருப்பீர்கள். உங்கள் திருட்டுக் குற்றங்களுக்கு உரிய தண்டனையைப் பெறுவீர்கள்!

(8)
காரா க்³ருஹே வஸ ஸதா³ ஹ்ருத³யே மதீ³யே
மத்-ப⁴க்தி-பாஶ த்³ருட⁴ ப³ந்த⁴ன நிஷ்ச்சல(ஸ்) ஸன்
த்வாம் கிருஷ்ண ஹே! பிரளய-கோடி-ஶதாந்தரே’பி
ஸர்வஸ்வ-சௌர! ஹ்ருத³யான் ந ஹி மோசயாமி

ஓ கிருஷ்ணா, என்னிடமிருந்து அனைத்தையும் திருடிய திருடனே! என் பக்தியின் கயிறு என்றென்றும் இறுக்கமாக உள்ளது. எனவே நீங்கள் என் இதயத்தின் சிறையில் தொடர்ந்து வசிப்பீர்கள்; ஏனென்றால், நான் உங்களை மில்லியன் கணக்கான யுகங்களுக்கு விடுவிக்க மாட்டேன்.

** ஹரே கிருஷ்ணா **