ஸ்லோகம்

ஜ்ஞான -யக்ஞேன சாப்-யன்யே
யஜந்தோ மாம் உபாஸதே
ஏகத்வேன ப்ருதக்த்வேன
பஹுதா விஷ்வதோ-முகம்

சொல் பொருள்

சம்ஸ்கிருதம்	பொருள்
ஜ்ஞான-யஜ்ஞேன	அறிவை விருத்தி செய்து கொள்வதால்
ச	மேலும்
அபி	நிச்சயமாக
அன்யே	பிறர்
யஜந்த	அர்ப்பணித்து
மாம்	என்னை
உபாஸதே	வழிபடுகின்றனர்
ஏகத்வேன	ஒருமையில்
ப்ருதக்த்வேன	இருமையில்
பஹுதா	பன்மையில்
விஷ்வத முகம்	விஸ்வரூபத்தில்

மொழிபெயர்ப்பு

ஞான யாகத்தில் ஈடுபட்டிருக்கும் பிறர், பரம புருஷரை, தன்னிகரற்றவராகவும், பலரில் வேறுபட்டவராகவும், விஸ்வ ரூபத்திலும் வழிபடுகின்றனர்.

குறிக்கோள்

ஞானத்தின் மூலம், பகவான் ஸ்ரீகிருஷ்ணரை தன்னிகரற்றவராகவும், பலரில் வேறுபட்டவராகவும், விஸ்வ ரூபத்திலும் — மக்கள் எவ்வாறு வணங்குகின்றார்கள் என்பதை ஆராய்வது.

நோக்கங்கள்

• பக்தி–சேவையில் ஜ்ஞானத்தின் பங்கினை ஆராய்ந்து காண்பது.
• சிலர் ஞானத்தை வளர்த்துக் கொண்டு யஜ்ஞத்தை (தியாகத்தை) எப்படிச் செய்கிறார்கள் என்பதை ஆராய்தல்.
• ஏகத்வ–தத்துவத்தின் மூலம் பரம புருஷரைப் பக்தியுடன் போற்றும் அணுகுமுறையைப் புரிந்து கொள்வது.
• பகவானைத் தனித்தவராகவும் அல்லது பலவிதமாகவும் பக்தியுடன் போற்றும் அணுகுமுறையைப் பரிசீலித்து புரிந்து கொள்வது.
• விஸ்வரூபத்தில் வெளிப்படும் பகவானைப் பக்தியுடன் எவ்வாறு வணங்குவது என்பதை ஆராய்தல்.
• பக்தியின் எல்லா அணுகுமுறைகளும் முடிவில் ஸ்ரீகிருஷ்ணரிடமே ஒன்றிணைகின்றன என்பதை அறிதல்.

அன்றாட வாழ்வில் பயன்படுத்தும் முறை

• அறிவை யஜ்ஞமாக அர்ப்பணித்தல் – படித்தலும் கல்வியும் ஸ்ரீ கிருஷ்ணரைப் புரிந்துகொள்வதற்கே நோக்கமாக இருக்க வேண்டும். இவ்வாறு அறிவு பக்தியாக மாற்றப்படுகிறது.
• பல்வேறு வழிப்பாடுகளை மதித்தல் – மக்கள் பகவானை பலவிதமான முறைகளில் அணுகுகிறார்கள் என்பதை உணர்ந்து, அவ்வாறு அணுகுவோர் எல்லோரையும் மரியாதையுடன் மதிக்க வேண்டும். ஆனால், அந்த எல்லாப் பாதைகளிலும், திவ்யமான மற்றும் பரிபூரணமான மார்க்கம் — பக்தி — என்பதைக் கட்டாயம் மனதில் நிலைநிறுத்த வேண்டும்.
• விஸ்வரூபத்தை ஆழமாக சிந்தித்தல் – பிரபஞ்சத்தில் வெளிப்படும் பகவானின் விஸ்வரூபத்தை ஆழமாக சிந்திப்பதால் அவரது மகத்துவம், பேரழகு மற்றும் பரிபூரண குணங்களை மேலும் ஆழமாக உணர்ந்து மதிப்பதை ஏற்படுத்தும்.
• தனிப்பட்ட பக்தியை பின்பற்றுதல் – அநுபவமற்ற முறைகள் மற்றும் மறைமுக அணுகுமுறைகளுக்கு அப்பால், பக்தி மூலம் ஸ்ரீ கிருஷ்ணருக்கு நேரடி சேவை செய்வதை நோக்கமாகக் கொள்ளுங்கள். இப்படியான நேரடி பக்தி-சேவையே, பரமபுருஷனுடன் நெருக்கமான உறவை ஏற்படுத்துகிறது.

பகவான் ஸ்ரீகிருஷ்ணரை ஞானத்தின் மூலம் சிலர் தன்னிகரற்றவராகவும், பலரில் வேறுபட்டவராகவும், விஸ்வ ரூபத்திலும் வழிபடுகின்றனர். அனைத்துப் பாதைகளும் இறுதியில் அவரிடமே சென்று சேரும். ஆனாலும், பகவானுக்கே நேரடியாக அர்ப்பணித்து செய்யப்படும் சுத்த-பக்தியே உயர்ந்தது; அதுவே பரமபுருஷனுடன் ப்ரேமை மிகுந்த நெருங்கிய இணைப்பை ஏற்படுத்துகிறது.