7. ஸ்ரீ ஸ்ரீ ராதா கோபிநாத் கோவில்
நோக்கங்கள்:
நோக்கம் 1: விருந்தாவனத்தில் உள்ள ராதா கோபிநாத் கோயிலின் வரலாற்று முக்கியத்துவத்தைப் புரிந்துகொள்வது.
நோக்கம் 1: விருந்தாவனத்தில் உள்ள ராதா கோபிநாத் கோயிலின் வரலாற்று முக்கியத்துவத்தைப் புரிந்துகொள்வது.
கண்ணோட்டம்
விருந்தாவனத்தில் உள்ள மிகப் பழமையான கோயில்களில் ஒன்றாகக் கருதப்படும் ஸ்ரீ ராதா கோபிநாத் கோயில், யமுனை நதிக்கரையில் உள்ள கேசி படித்துறை, பரிக்ரம மார்க்கில் அமைந்துள்ளது. இது மது பண்டிட் கோஸ்வாமியால் நிறுவப்பட்டது, மேலும் அதன் அற்புதமான கட்டுமானம் ஒரு புகழ்பெற்ற கடந்த காலத்தை வெளிப்படுத்துகிறது.
புதிய கோயில் நுழைவாயில்
நோக்கம் 2: கோபிநாதரின் மூல விக்ரஹத்தின் வரலாற்று முக்கியத்துவத்தையும், ஆறு கோஸ்வாமிகளின் காலத்தில் கோபிநாதரின் விக்ரஹம் எவ்வாறு மீண்டும் கண்டுபிடிக்கப்பட்டது என்பதை பற்றியும் விளக்குவது.
மூல விக்ரகத்தின் தோற்றம் – கோபிநாதரின் விக்ரகம் ஐயாயிரம் ஆண்டுகளுக்கு முன்பு கிருஷ்ணரின் கொள்ளுப் பேரனான வஜ்ரநாப மகாராஜாவால் நிறுவப்பட்டது. பின்னர் ஆறு கோஸ்வாமிகளின் காலத்தில், வம்சி வட்டில் பிரபலமான ஆலமரத்தின் அருகே தரையில் புதைக்கப்பட்ட கோபிநாதரின் விக்ரகம் மீண்டும் கண்டுபிடிக்கப்பட்டது. ஸ்ரீ கதாதர பண்டிதரின் சீடரான மது பண்டித கோஸ்வாமி, விருந்தாவனத்திற்கு வந்து கோபிநாதரின் விக்ரகத்தை எல்லா இடங்களிலும் தேடிக்கொண்டிருந்தார். எங்கும் விக்ரகம் கிடைக்காததால் மிகுந்த துக்கமடைந்த மது பண்டிதர், உணவு உண்பதை விட்டுவிட்டு வம்சி வட்டில் அமர்ந்து தொடர்ந்து கண்ணீர் வடித்தார். மழைக்காலம் என்பதால், விருந்தாவனத்தில் பெரும் வெள்ளம் ஏற்பட்டது, யமுனை நதி அதன் கரைகளில் பெருக்கெடுத்து ஓடியது. வெள்ள நீர் வம்சி வட்டில் நின்ற பழைய ஆலமரத்தை அடித்துச் சென்றது. வெள்ள நீர் வடிந்தபோது, மது பண்டிதரின் நெருங்கிய நண்பரும் தோழருமான பரமானந்த பட்டாச்சார்யா, பழைய ஆலமரம் நின்ற இடத்திற்குக் கீழே, பாதி புதைந்த நிலையில் இருந்த கோபிநாதரின் விக்கிரகத்தை கண்டார். அவர் உடனடியாக தனது நண்பர் மது பண்டிதரிடம் தெரிவிக்க, மது பண்டிதரும் கோபிநாதர் விக்ரகத்தை மீட்டு வழிபட்டார். பின்னர் விக்ரகம் தற்போதுள்ள கோபிநாதர் கோயில் இருக்கும் இடத்திற்கு மாற்றப்பட்டது.
நோக்கம் 3: ஸ்ரீ ராதா கோபிநாத் கோயிலின் தனித்துவமான அம்சங்களை அறிந்துகொள்வதும், மேலும் ஸ்ரீ கிருஷ்ணரின் இடதுபுறத்தில் அனங்க மஞ்சரியும், வலதுபுறத்தில் ராதாராணியும் வைக்கப்பட்டுள்ளதன் குறியீட்டு முக்கியத்துவத்தைப் புரிந்துகொள்வது.
ஸ்ரீ ராதா கோபிநாத்தின் தர்ஷன்,
விருந்தாவனம்
விக்கிரகங்களின் தனித்துவம் –
கோபிநாத் கோயிலின் பலிபீடத்தில் அனங்க மஞ்சரியின் விக்ரஹம் நிறுவப்பட்டிருக்கும் காரணத்தால் மற்ற கோயில்களிலிருந்து இந்த கோவில் தனித்து நிற்கிறது. மேலும் இந்த கோயிலில் ராதாராணியின் தங்கையான அனங்க மஞ்சரியின் விக்ரஹம் கோபிநாதரின் இடது புறத்திலும், ராதா ராணியின் விக்ரஹம் வலது புறத்திலும் நிறுவப்பட்டிருக்கிறது. மற்ற அனைத்து கோயில்களிலும் ஸ்ரீ கிருஷ்ணரின் இடது புறத்தில் ராதாராணி நிற்பதாகவே சித்தரிக்கப்பட்டிருக்கும், அதனால் இது மற்ற அனைத்து கோயில்களிலிருந்தும் வேறுபட்டு இருக்கிறது.
நோக்கம் 4: ஜஹ்னவா தேவி பெற்ற கனவுகள் மற்றும் தெய்வ அருளால் நிகழ்ந்த சூழ்நிலைகள் மூலம், அனங்க மஞ்சரி தேவியின் விக்ரஹம் எவ்வாறு நிறுவப்பட்டது என்பதை ஆராய்வது
பகவான் நித்யானந்தரின் மனைவியான ஜஹ்னவ தேவி, ஒருமுறை விருந்தாவனத்தில் உள்ள ராதா கோபிநாத் கோயிலுக்குச் சென்றபோது, ராதாராணியின் விக்ரகம் சற்று உயரமாக இருந்தால் இன்னும் அழகாக இருக்கும் என்று உணர்ந்தார். இருப்பினும், அவர் தனது எண்ணங்களை யாரிடமும் வெளிப்படுத்தவில்லை. அன்று இரவு ஸ்ரீ ராதாராணியும் கோபிநாத்தும் அவரது கனவில் தோன்றி, தங்களுக்கு அருகில் ஒரு புதிய ராதாராணி விக்ரகத்தை நிறுவ வேண்டும் என்ற தங்கள் விருப்பத்தை வெளிப்படுத்தினர். மறுநாள் காலையில் ஜஹ்னவ தேவி சிற்பி நயனாவிடம் ராதாராணியின் புதிய விக்ரகத்தை வடிவமைக்க அறிவுறுத்தினார்.
பின்னர் புதிய விக்ரஹம் விருந்தாவனத்திற்கு அனுப்பப்பட்டு உடனடியாக ஸ்ரீ கோபிநாதருக்கு அருகில் பிரதிஷ்டை செய்யப்பட்டது. பக்தர்கள் புதிய விக்கிரகத்தை பார்த்ததும், அது ஜஹ்னவ தேவியை போலவே இருப்பதாக உணர்ந்தனர். ஜஹ்னவ தேவியின் சீடரான சிற்பி, ஜஹ்னவ தேவியின் அழகிய அம்சங்களை அடிப்படையாகக் கொண்டு விக்கிரகத்தை வடிவமைத்துள்ளார் என்பது தெரியவந்தது. மூத்த வைணவர்களுடன் கலந்தாலோசித்த பிறகு, அந்த விக்ரஹம் உண்மையில் அனங்க மஞ்சரி என்பது தீர்மானிக்கப்பட்டது, அவர் சைதன்ய லீலாவில் ஜஹ்னவ தேவியாகத் தோன்றினார். அனங்க மஞ்சரியின் விக்ரஹம் ஏற்கனவே கோபிநாதரின் இடது பக்கத்தில் நிறுவப்பட்டிருந்ததால், அது கோபிநாதரால் முன்பே ஏற்பாடு செய்யப்பட்டிருக்க வேண்டும் என்று உணரப்பட்டது. பின்னர் ராதாராணியின் சிறிய விக்ரஹம் கோபிநாதரின் வலது பக்கத்தில் வைக்கப்பட்டது, இன்றுவரை விக்ரஹங்கள் இப்படித்தான் இருக்கின்றன. தனது தங்கையின் மீதான அன்பு மற்றும் இரக்கத்தின் காரணமாக, ராதாராணி அனங்க மஞ்சரியை கிருஷ்ணரின் இடது பக்கத்தில் தனது சொந்த நிலைக்கு உயர்த்தினார் என்று பக்தர்கள் நம்பினர்.
ஸ்ரீ ஜாஹ்னவ தாகுராணி,
ஸ்ரீ ஸ்ரீ ராதா கோபிநாதர் கோயில்
வெள்ளை உடையில்
ஸ்ரீ ஸ்ரீ ராதா கோபிநாத்ஜி
நோக்கம் 5: முகலாய படையெடுப்பு மற்றும் அதன் விளைவாக ஸ்ரீ ராதா-கோபிநாத்தின் மூல விக்ரஹம் ஜெய்ப்பூருக்கு மாற்றப்பட்டது பற்றி அறிந்துகொள்வது.
ஜெய்ப்பூருக்கு மாற்றப்பட்ட மூல விக்கிரகங்கள் –
முகலாய படையெடுப்பின் போது, கோபிநாத், ராதிகா மற்றும் ஜாஹ்னவி தேவி ஆகியோரின் மூல விக்கிரகங்கள் மற்ற விக்கிரகங்களுடன் ஜெய்ப்பூருக்கு கொண்டு செல்லப்பட்டன.
ஸ்ரீ ராதா-கோபிநாத்தின் தற்போதைய பலிபீடத்திற்கு செல்லும் மண்டபத்தில், ஒரு படி கீழே ஒரு சிறிய அறைக்குள் ஒரு வாசல் உள்ளது. முகலாய படையெடுப்பிற்கு முன்பு ராதா-கோபிநாத்தின் மூல விக்கிரகங்கள் நிறுவப்பட்ட பழைய கோயில் இது.
ராதா கோபிநாத் மூல விக்கிரகங்கள்,
ஜெய்ப்பூர்
கோபிநாதரின் இடது பக்கத்தில் அனங்க-மஞ்சரி (நித்யானந்த சக்தி மா ஜஹ்னவா) இருக்கிறார். கோபிநாதரின் வலது பக்கத்தில் சிறிய தெய்வம் ராதாராணி, இடது மற்றும் வலது புறத்தில் லலிதா மற்றும் விசாகா உள்ளனர்.
நோக்கம் 6: முரளிதர் மகாபிரபு விக்ரஹத்தின் பிரதிஷ்டை மற்றும் அவரது வடிவத்தின் முக்கியத்துவம் உட்பட கோயிலின் தற்போதைய வழிபாட்டு முறைகளை பற்றி அறிந்துகொள்வது.
தற்போதைய விக்கிரகங்கள் – இப்போது இங்கு வழிபடப்படும் விக்ரஹம், முரளிதர் மகாபிரபு, புல்லாங்குழல் வாசிக்கும் கௌர்சுந்தரரின் ஒரு வடிவம். இந்த விக்ரஹம் முகலாய படையெடுப்பிற்குப் பிறகு நிறுவப்பட்டது என்று கோயில் கோஸ்வாமி கூறுகிறார். மகாபிரபுவின் ஸ்வரூபத்தைப் பற்றி அறியாத பொது மக்களுக்காக, மகாபிரபு புல்லாங்குழலைப் பிடித்துள்ளார். அவரது நிறம் ராதாராணியைப் போல தங்க நிறத்தில் உள்ளது, அவர் ஒரு வடிவத்தில் ராதா மற்றும் கிருஷ்ணர் என்பதைக் காட்டவே புல்லாங்குழலைப் பிடித்துள்ளார். இன்று, ராதா-கோபிநாதரின் பிரதிபு விக்கிரகங்கள் பழைய கோயிலுடன் இணைக்கப்பட்ட ஒரு புதிய கோயிலில் நிறுவப்பட்டிருக்கிறது. நித்யானந்த-சக்தி ஸ்ரீ ஜஹ்னவ தாகுரானியின் நேரடி வரிசையின்படி, கோபிநாத் தனது இடதுபுறத்தில் அனங்க-மஞ்சரியுடன், வலதுபுறத்தில் ராதாராணியுடன் நிற்கிறார். லலிதாவும் விசாகாவும் இருபுறமும் பக்கவாட்டில் நிற்கிறார்கள். மகாபிரபு ஸ்ரீகௌர்சுந்தரர் விக்ரஹம் ஒரு தனி அறையில் உள்ளது.
ஸ்ரீ ராதா கோபிநாத், பிரதிபு விக்கிரகங்கள்
குறிக்கோள் 7: நித்யானந்த பிரபுவுக்கும் பகவான் ஸ்ரீ கிருஷ்ணருக்கும் இடையிலான ஆழமான தொடர்பு, மற்றும் கௌடிய வைணவ மரபில் அதன் வெளிப்பாடு. பற்றி புரிந்துகொள்வது.
இங்குள்ள லீலைகள்
நித்யானந்த பிரபுவின் வருகை:
பலராமரின் மனநிலையில் பகவான் நித்யானந்த பிரபு, தனது தம்பி கிருஷ்ணரை கன்ஹையா கன்ஹையா என்று அழைத்து, வ்ரஜய் முழுவதும் தேடி, வ்ரஜவாசிகளின் காலில் விழுந்து, தனது தம்பி எங்கே இருக்கிறான் என்று சொல்லும்படி கெஞ்சுவார். இதை பார்த்து இந்த அவதூதர் முற்றிலும் பைத்தியம் என்று அனைவரும் முடிவு செய்திருந்தனர். மிகுந்த விரக்தியில் நித்யானந்தர் கண்களில் இருந்து கண்ணீர் வழிய இங்கே அமர்ந்திருந்தார். கன்ஹையா என்று அழைத்தபோது, வானத்திலிருந்து ஒரு குரல் அவரது தம்பி நவத்வீபத்தில் இருப்பதாகத் தெரிவித்தவுடன் நித்யானந்தர் நவத்வீபத்திற்குச் சென்றார், அங்கு அவர் நந்தன் ஆச்சார்யாவின் வீட்டில் சைதன்ய மகாபிரபுவைச் சந்தித்தார்.
நோக்கம் 8: ஸ்ரீ ராதா கோபிநாத் கோயிலுடன் தொடர்புடைய மது பண்டித கோஸ்வாமியின் சமாதியின் இருப்பிடத்தை பற்றி அறிதல்.
சமாதி
மது பண்டித கோஸ்வாமியின் சமாதியை கோயிலின் கிழக்கு வாயிலுக்கு அருகில் காணலாம்.
மது பனிட் கோஸ்வாமியின் சமாதி
நோக்கம் 9: பிரயோஜன ஆச்சார்யராக ஸ்ரீல ரகுநாத தாஸ் கோஸ்வாமியின் பங்கையும், ஸ்ரீ ராதா கோபிநாத் விக்ரஹத்துடனான அவரது தொடர்பையும் பற்றி அறிந்து கொள்வது.
மகிமைகள்
பிரேமத்தின் இறுதி பரிபூரணத்தின் பொருள் – விருந்தாவனத்தின் கோபிநாத் விக்ரஹம் கோபியர்களின் இறைவனான ஸ்ரீ கிருஷ்ணர். ஸ்ரீ கோபிநாத் விக்ரஹம் பிரயோஜன தத்துவத்தை (வாழ்க்கையின் இறுதி இலக்கு பற்றிய உண்மை – கிருஷ்ணரின் தூய அன்பு) குறிக்கிறது. ‘பிரயோஜன ஆச்சாரியார்’ என்று போற்றப்படும் ஸ்ரீல ரகுநாத தாஸ் கோஸ்வாமி, ஸ்ரீல ரூப கோஸ்வாமியின் தாமரை பாதங்களை தனது உயர்ந்த விருப்பமாக ஏற்றுக்கொண்டார். ஸ்ரீ ராதா-கோபிநாத் விக்ரஹத்திற்கு பணிவான சேவை மற்றும் பிரார்த்தனைகள் மூலம் ஒருவர் கிருஷ்ணருடனான அன்பான உறவின் பரிபூரணத்தை அடைய முடியும், மேலும் ஸ்ரீல ரகுநாத தாஸ் கோஸ்வாமியின் உபதேசங்கள் மற்றும் கருணையை உள்வாங்குவதன் மூலம், ஒரு பக்தர் பக்தி சேவையில் விரைவாக முன்னேறி இறுதியில் வாழ்க்கையின் குறிக்கோளான பிரேம பக்தியை அடைய முடியும் என்று வெளிப்படுத்துகிறார்.
ஸ்ரீ ராதா கோபிநாத்தின் தாமரை பாதங்கள்,
விருந்தாவன்
நோக்கம் 10: ஸ்ரீ மதன-மோஹன, ஸ்ரீ கோபிநாத் மற்றும் ஸ்ரீ கோவிந்தர் ஆகிய மூன்று விக்ரஹங்களையும் ஒரே நாளில் தரிசிப்பது பற்றிய சிறப்பு ஆன்மீக பலனை பற்றிய விளக்கம்.
கௌடிய வைஷ்ணவ மரபின் வழிகாட்டுதலின்படி, ஒரே நாளில் சூரிய அஸ்தமனத்திற்கு முன் கரோலியில் உள்ள ஸ்ரீ மதன மோஹன், ஜெய்ப்பூரில் உள்ள ஸ்ரீ கோபிநாத் மற்றும் ஸ்ரீ கோவிந்த தேவ் ஆகிய மூன்று தெய்வீக விக்ரஹங்களையும் தரிசிக்கும் பாக்கியம் பெறும் ஒருவர், பகவான் ஸ்ரீ கிருஷ்ணரின் பூரண தரிசனத்திற்குச் சமமான தெய்வீக அருளைப் பெறுவார் என நம்பப்படுகிறது.
