8. ஜெய்கர் கோட்டை, ஜெய்ப்பூர்
ஜெய்கர் கோட்டை, அமேர் கோட்டையையும், அதன் பரந்த அரண்மனை வளாகத்தையும் மன்னருடைய எதிரிகளிடமிருந்து பாதுகாக்கும் நோக்கில், தனிச்சிறப்பு கொண்ட கட்டிடக்கலை அமைப்புடன் கட்டப்பட்டது. எனவே இந்த கோட்டை, உண்மையில் “வெற்றிக்கோட்டை” என அறியப்படுகிறது
நோக்கங்கள்:
நோக்கம்1: அமேர் கோட்டையை பாதுகாக்க, 1726ஆம் ஆண்டு மஹாராஜா ஜெய் சிங் II கட்டிய ஜெய்கர் கோட்டையை, ஒரு பாதுகாப்புக் கோட்டையாக உள்ள வரலாற்றுப் பெருமையைப் புரிந்து கொள்வது.
ஜெய்கர் கோட்டையின் வரலாறு
ஜெய்ப்பூரில் உள்ள ஜெய்கர் கோட்டை, 1726ஆம் ஆண்டு அரசராக இருந்த மஹாராஜா ஜெய் சிங் II அவர்களால் கட்டப்பட்டது. அமேர் கோட்டையைக் கண்காணிக்கக் கூடிய பரந்த பரப்புடன், இந்த கோட்டை ராஜ்புத்ர வீரம் மற்றும் ஆடம்பரத்துடன் திகழ்கிறது. இது ஒரு அரண்மனையாக இல்லாமல், பாதுகாப்பு கோட்டையாகவே கட்டப்பட்டது.
இந்த கோட்டையின் முக்கிய சிறப்பம்சம், அமேர் கோட்டையும் ஜெய்கர் கோட்டையும் இணைக்கும் சுரங்கப்பாதை ஆகும். இது யுத்தம் போன்ற அதிரடியான சூழ்நிலையில் மக்கள் பாதுகாப்பாக வெளியேற உதவுகிறது.
இந்த கோட்டை, ஆரவல்லி மலைத்தொடரையும் மௌட்டா ஏரியையும் காண ஒரு அருமையான காட்சியிடமாக திகழ்கிறது. இது உண்மையில் “சீல் கா தீலா” எனப்படும் கழுகுகளின் மேடில் கட்டப்பட்டுள்ளது.
இதன் கட்டுமானம் மற்றும் கட்டிடக்கலை அமேர்க் கோட்டையைப் போலவே அமைந்துள்ளது.
இது பல அரசர்களின் வாசஸ்தலமாக இருந்ததோடு, ராஜ்புத் அரசர்களின் ஆயுதங்கள், பீரங்கிகள், வெடிமருந்துகள் மற்றும் பிற இராணுவப் பொருட்களைக் சேமிப்பதற்கும் பயன்படுத்தப்பட்டது.
இது முகலாய ஆட்சியாளர்களுக்கான முக்கிய பீரங்கி வார்ப்பு ஆலையாகக் கூறப்படுகிறது. இந்த பீரங்கி புறக்காவல் நிலையம், முகலாய வம்சத்தில் வெடித்த பல தொடர்ச்சியான போர்களின் போது, 1658 ஆம் ஆண்டு அதன் பாதுகாவலர் தாரா ஷிகோ போரில் தோற்கடிக்கப்பட்டு அவரது சொந்த சகோதரர் ஔரங்கசீப்பால் கொல்லப்படும் வரை, பாதுகாக்கப்பட்டது.
முகலாயப் பேரரசர் ஷாஜகானின் ஆட்சிக் காலத்தில், ஜெய்கர் கோட்டை உலகின் மிகவும் திறமையான பீரங்கி வார்ப்பு ஆலை என்று அறியப்பட்டது. கோட்டையின் அருகே மிகப்பெரிய இரும்புத் தாது சுரங்கங்கள் அமைந்துள்ளதால் இதற்கு இந்தப் பட்டம் வழங்கப்பட்டது. பீரங்கி வார்ப்பு ஆலையின் காற்றுச் சுரங்கப்பாதை வெளியில் இருந்து வரும் வெப்பக் காற்றை உறிஞ்சி, பீரங்கிகளை உருவாக்கத் தேவையான உலோகத்தை உருக்க உதவுகிறது, உள்ளே வெப்பநிலை 2400 °F வரை உயரும் என்று கூறப்படுகிறது.
நோக்கம்2: ஜெய்கர் கோட்டை ஒரு அரண்மனையைப் போல் அல்லாது, ஒரு இராணுவக் கோட்டையாகக் கட்டப்பட்டதில் உள்ள கட்டிடக் கலை நோக்கத்தைப் புரிந்து கொள்வது.
ஜெய்கர் கோட்டையின் கட்டிடக்கலை (Architecture of Jaigarh Fort)
ஜெய்கர் கோட்டைக்கு, மஹாராஜா ஜெய் சிங் II அவர்களின் பெயரின் அடிப்படையில் இப்பெயர் வைக்கப்பட்டது. அந்தக் கால கட்டிடக்கலை நிபுணரான வித்யாதர் அவர்களால் இதன் வடிவமைப்பு, திட்டமிடல் மற்றும் செயலாக்கம் மிகச் சிறப்பாக, நுணுக்கமாகவும் சரிவரவும் நடைமுறைப்படுத்தப்பட்டது.
இந்த கோட்டை, ஜெய்ப்பூர் நகரத்தின் பண்பாடு மற்றும் பாரம்பரியத்தை பிரதிபலிப்பதற்காக கட்டப்பட்டதாகும் – இது இன்று வரை தெளிவாகக் காணப்படுகிறது.
அரச சகாப்தத்தின் செழுமையும் ஆடம்பரமும் பிரதிபலிக்கும் சிறப்பான நினைவுச்சின்னமாக இந்த மகத்தான கட்டிடம் திகழ்கிறது; அக்காலத்தின் ஆடம்பர உடைகளும் அரச மரியாதைகளும் இதன் ஒவ்வொரு பகுதியிலும் வெளிப்படுகின்றன.
இந்த கோட்டை, பெரும்பாலும் அனைத்து ராஜ்புட் மற்றும் மொகலாய கோட்டைகளிலும் முக்கிய சிறப்பாகக் காணப்படும் சிகப்பு கல் (Red Sandstone) கொண்டு கட்டப்பட்டுள்ளது.
வலுவான மதில்களும் அழகிய சிற்ப வேலைப்பாடுகளும் கொண்டு அமைக்கப்பட்ட இந்த கோட்டை, இதுவரை கடந்து வந்த பல்வேறு மாற்றங்களை, வளர்ச்சி நிலைகளைச் சொல்லிக்கொண்டு, இன்றும் வலிமையாக நிலைத்து நிற்கிறது.
இந்தப் பிரத்யேகமான கட்டிடம், அதன் அழகான கட்டிடக்கலைக்கான சிறந்த உதாரணங்களாகக் காணப்படும் ஆரம் மந்திர், லலித் மந்திர், லக்ஷ்மி விலாஸ், மற்றும் விலாஸ் மந்திர் முதலிய பல சிறப்பு மண்டபங்களை உள்ளடக்கியுள்ளது.
மேலும், 10 ஆம் நூற்றாண்டில் கட்டப்பட்ட ராம் ஹரிஹர் கோவில் மற்றும் 12 ஆம் நூற்றாண்டில் கட்டப்பட்ட கால பைரவ கோவில் ஆகிய இரண்டு பண்டைய கோவில்களும் இந்த கோட்டையின் கவர்ச்சியைப் பன்மடங்கு அதிகரிக்கின்றன.
இந்த அற்புதமான கோட்டை 3 கிலோமீட்டர் நீளமும் ஒரு கிலோமீட்டர் அகலமும் கொண்டது.
இங்கு ‘ஜெய்வானா’ என்று அழைக்கப்படும் உலகின் மிகப்பெரிய பீரங்கி வண்டி நிறுவப்பட்டுள்ளது.
இந்த கோட்டை, பெரும் மதில்களால் சூழப்பட்டிருப்பதுடன், ஜெய்ப்பூரில் உள்ள மூன்று கோட்டைகளில் மிகவும் வலிமையான கோட்டையாக கருதப்படுகிறது.
இது பகைவர்களால் பெரிய எதிர்ப்பை எதிர்கொள்ள வேண்டிய நிலைக்கு ஒருபோதும் வரவில்லை, மேலும் எவராலும் கைப்பற்றப்படாத காரணத்தால், இது பிரபலமாக ‘வெற்றிக் கோட்டை’ என்றழைக்கப்படுகிறது.
இந்தக் கோட்டை, அதன் பல்வேறு சுற்றுலா அம்சங்களுடன், இன்றும் வலுவாக நிற்கிறது. மேலும் ராஜபுத்திர வரலாற்றின் பல்வேறு வரலாறுகளை ஆராய விரும்பும் வரலாற்று ஆர்வலர்களுக்கு மகிழ்ச்சி அளிக்கிறது..
நோக்கம்3: ஜெய்கர் கோட்டையின் பலப்படுத்தப்பட்ட வடிவமைப்பு, பாரசீக பாணி தோட்டங்கள், ஜாலி சாளரங்களுடன் கூடிய கலைகூடங்கள் மற்றும் ஆரவல்லி மலைத்தொடரையும் மௌட்டா ஏரியையும் காண ஏற்ற காட்சியிடங்கள் ஆகியவற்றை அறிதல்.
ஜெய்கர் கோட்டையின் பிற அம்சங்கள்
கண்கவர் உட்புறங்கள்:
இந்த அரண்மனை வளாகத்தில், அழகாக பராமரிக்கப்பட்ட சதுர வடிவ பாரசீக பாணி தோட்டம் அமைந்துள்ளது. இது பசுஞ் செடிகள் மற்றும் மரங்களால் நிரம்பி, வலுவான சிகப்பு கல் மதில்களால் சூழப்பட்டுள்ளது.
தோட்டத்தைச் சுற்றியுள்ள கரையோர பாதைகளில் நடந்து, இந்த அழகிய தோட்டத்தில் உல்லாசமாக சஞ்சரிக்கலாம்.
ஜெய்கர் கோட்டை அதன் வலிமையான சுவர்கள் காரணமாக அசைக்க முடியாதது என்று கூறப்படுகிறது.
.பார்வையாளர்கள், கலையம்சம் கொண்ட பலகணிச் சாளரங்கள் வழியாக காட்சியகங்கள் மற்றும் அறைகளைக் காண முடியும். அதே சமயம், மையக் கண்காணிப்பு கோபுரம், சுற்றியுள்ள முழுமையான நிலப்பரப்பைக் கண்காணிக்கிறது. பயணிகள், அவானி தர்வாசா வழியாக ஆராம் மந்திருக்குள் நுழையலாம். இது சிக்கலான வடிவமைப்புகள் மற்றும் சிலைகளுடன் மூன்று வளைவுகளைக் கொண்ட நுழைவாயிலாகும். அருகில் அமைந்துள்ள சாகர் ஏரியின் அற்புதமான காட்சியைக் காண இது ஒரு சிறந்த இடமாகும்.
மற்றொரு சுவாரஸ்யமான உண்மை என்னவென்றால், உள்ளே இருந்து வெளிப்புறங்களின் ஒரு மயக்கும் தோற்றத்தைப் பார்க்க முடியும்; ஆனால் வெளியில் இருந்து, உள்ளே இருக்கும் எதையும் பார்க்க முடியாது.
நோக்கம்4: ஜெய்கர் கோட்டையின் தனித்துவமான ஜெய்வானா பீரங்கி, அருங்காட்சியகம் மற்றும் வரலாற்றுச் சிறப்புமிக்க ஆயுதங்களைக் கொண்ட விஜய்கர் ஆயுதக் கூடம் ஆகியவற்றின் சிறப்பம்சங்களைப் பற்றிய அறிவைப் பெறுதல்.
ஜெய்ப்பூரில் உள்ள ஜெய்கர் கோட்டையில் செய்ய வேண்டியவை
வசீகரம் உங்களை கவர்ந்திழுக்கட்டும் …
ஜெய்வானா பீரங்கி: ஜெய்கர் கோட்டையில் ‘ஜெய்வானா பீரங்கி’ என்றும் அழைக்கப்படும் மிகப்பெரிய பீரங்கி வண்டி (ஆன் வீல்ஸ்) உள்ளது. இது இரண்டாம் சவாய் ஜெய் சிங் ஆட்சிக் காலத்தில், 1720 ஆம் ஆண்டு, அழகாகக் அமைக்கப்பட்டது. இன்னும் கோட்டை வளாகத்திற்குள் வலுவாக நிற்கிறது.
ஜெய்கரில் உள்ள ஒரு வார்ப்பட ஆலையில் மகாராஜா சவாய் ஜெய் சிங் II (1699–1743) ஆட்சிக் காலத்தில் இந்த ஜெய்வானா தயாரிக்கப்பட்டது. குழல் பகுதி 20.19 அடி (6.15 மீ) நீளமும் 50 டன் எடையும் கொண்டது. இதன் விட்டம் 11 அங்குலம் (280 மிமீ) ஆகும்.
குழல் பகுதியில், யானை, கிளிகள், மற்றும் மலர்கள் சித்தரிக்கும் அலங்காரங்கள் செதுக்கப்பட்டுள்ளன. உயரமான இரு சக்கரங்களில் பொருத்தப்பட்டுள்ளது மற்றும் தவிர இரண்டு பின்புற சக்கரங்களின் இயந்திரங்களைக் கொண்டுள்ளது. சுழலக்கூடிய ஊசிமுனை உருளைகளில் பொருத்தப்பட்டள்ளதால், 360° திருப்பி எந்த திசையிலும் சுட உதவுகிறது. வானிலை தட்பவெப்ப மாறுதல்களிலிருந்து பீரங்கியை பாதுகாக்க அலுமினிய மேற்கூரை அமைக்கப்பட்டுள்ளது. பீரங்கி, 110 பவுண்டு (50 கிலோ) வெடிமருந்தைப் பயன்படுத்தி, சுமார் 10 கிலோமீட்டர் சுற்றளவில் இருக்ககூடிய இலக்குகளைத் தாக்கவல்லது.
இந்த வளாகத்தின் வடக்குப் பகுதியில் புகழ்பெற்ற ஆரம் மந்திர் மற்றும் அழகிய பாரசீக பாணியில் அமைக்கப்பட்ட சார்பாக் தோட்டம் ஆகியவை உள்ளன.
ட்ரிவியா: கோட்டையின் குளங்களுக்கு அடியில் புதையல் புதைக்கப்பட்டிருந்ததாகவும், பின்னர், 70களில் ராஜஸ்தான் அரசாங்கத்தால் கண்டுபிடிக்கப்பட்டதாகவும் வதந்தி பரவியது. இதன் பின்னணியில் உள்ள உண்மை இன்னும் ஊகமாகவே உள்ளது.
அருங்காட்சியகம்: ஜெய்கர் கோட்டையின் வாழ்க்கை முறை மற்றும் காலத்தை சித்தரிக்கும் ஒரு அழகிய அருங்காட்சியகம் கோட்டையில் உள்ளது. இங்கு, ஜெய்ப்பூர் அரச குடும்பத்தின் முத்திரைகள், பிற விலைமதிப்பற்ற கலைப்பொருட்கள் மற்றும் புகைப்படங்கள், பொம்மைகள் மற்றும் பிற போர்க் கருவிகள் காட்சிப்படுத்தப்பட்டுள்ளன. இது அரச குடும்பங்களின் வாழ்க்கையைப் பற்றிய ஒரு பார்வையை உங்களுக்கு வழங்கும்.
இந்த அருங்காட்சியகத்தில் 15 ஆம் நூற்றாண்டைச் சேர்ந்த எச்சில் உமிழும் பாத்திரம், மற்றும் ஒரு வட்ட அட்டை தொகுப்பும் உள்ளன. அருங்காட்சியக வளாகத்திற்குள் கையால் வரையப்பட்ட, கோட்டை மற்றும் அரண்மனையின் படத்தைக் காணலாம்.
ஆயுதக் கிடங்கு: இங்குள்ள ஆயுதக் கிடங்கு அறையில் கேடயங்கள், வாள்கள், துப்பாக்கிகள், டைம் பாம்கள், ஒட்டகம் மேல் அமைத்து சுடும் துப்பாக்கிகள், மஸ்கட்கள் மற்றும் 50 கிலோகிராம் (110 பவுண்டு) பீரங்கி குண்டுகள் உள்ளன. இந்த இடம் விஜய் கர் என்று அழைக்கப்படுகிறது.
இந்த பீரங்கி 1720 ஆம் ஆண்டு மகாராஜா இரண்டாம் ஜெய் சிங் அவர்களால் சோதனைக்கு உட்படுத்தப்பட்டதாகவும், 37 கிலோமீட்டர் தொலைவில் ‘சக்சு’ என்ற இடத்தில் தரையிறங்கியதாகவும், இதனால் ஒரு ஏரி உண்டாகும் அளவிற்கு பள்ளம் ஏற்பட்டதாகவும் கூறப்படுகிறது. பீரங்கியை ஏந்தியவர் பீரங்கியின் அருகில் உள்ள ஏரியில் குதிக்க முயற்சிக்கும் முன்பே இறந்துவிட்டதாக நம்பப்படுகிறது.
ஜெய்ப்பூரின் மகாராஜாக்களான மேஜர் ஜெனரல் மான் சிங் II மற்றும் இந்திய ராணுவத்தில் மூத்த அதிகாரிகளாகப் பணியாற்றிய சவாய் பவானி சிங் ஆகியோரின் பழைய புகைப்படங்கள் காட்சிக்கு வைக்கப்பட்டுள்ளன. இதில் ஐந்து சாவிகள் கொண்ட ஒரு அழகான பாதுகாப்பு பெட்டகம் உள்ளது.
18 ஆம் நூற்றாண்டில் நடந்த ராஜபுத்திர மற்றும் முகலாயப் போர்களின் ஏராளமான ஆயுதங்கள் மற்றும் இராணுவக் கருவிகளின் ஒரு பகுதியை இந்த ஆயுதக் கிடங்கு சேமித்து வைத்திருந்தது.
மற்ற கட்டமைப்புகள்: இந்த அரண்மனை திவான்-இ-ஆம், கில்பத் நிவாஸ், கோட்டையின் மிக உயரமான இடமான ‘தியா புர்ஜ்’ மற்றும் சுபத் நிவாஸ் எனப்படும் குறிப்பிடத்தக்க கட்டிடக்கலை அம்சங்களைக் கொண்டதாகக் கூறப்படுகிறது.
